BBDW23ean zehar ARREZIFE bat hazten eta populatzen joango da Zabalgune Eraikineko Atarian, aste osorako programatutako jarduerekin batera. Sare-egitura da, egunek aurrera egin ahala artikulatu eta aberastu egingo dena programazioaren protagonistek ekarritako materialak, parte-hartzaileen iritziak, prozesuen arrastoak eta jardueren erregistroak mihiztatuz. Ez da erakusketa bat, edukiontzi organiko, interaktibo eta ebolutiboa baizik. Azpiegitura erlazionala, irekia, Bilbao-Bizkaia diseinuaren ekosistemako eragileen arteko lotura, trukea eta lankidetza irudikatu eta bideratzeko.
ARREZIFEA BBDW23 honetan inplikatuta dauden eragileen arteko artikulazioaren emaitza da, interdependentziaz lan eginda posible izan dadin. ARTIKULAZIOAn esploratu nahi denaren berariazko adibidea. Crisiscreativa-k edizio honen identitate bisuala biziarazteko erabili dituen diatomeetatik abiatuta ColaBoraBorako komisariotzak burutu duen proposamena. Arrezifeari eusten dion egitura IED Kunsthal-ek sortu du ikasleekin egindako diziplina arteko diseinu-prozesuan. Eta Arrezifean bizi ahal izateko eta Arrezifeari bizia emateko dinamizazioa Gheada-ren proposamena da, bi bitartekaritza-jardueraren bidez bisitarien eta parte-hartzaileen inplikazioa bilatuz, bat gehiago expressa dena, Mikro kontakizunak: Testigantzak mikroskopioan, eta beste bat aldez aurretik izena ematea eskatzen duena, Urpeko laborategia: Ekosistemak diseinatzen.
ARRECIFE maila metaforikoan diseinuaren ekosisteman murgiltzeko gonbidapena da, BBDW23an zehar eboluzionatzen ikusteko, aurrez finkatutako ibilbide edo helmugarik izan gabe esploratzeko gonbidapena, esplorazio horretan zentzu eta esanahi berriak, elementu eta aukera berriak gehituz.
Kokapena
Antolatzailea
Kolaboratzaileak
